Welkom By Monwes

'n PLEK WAAR GELOOF, HOOP EN LIEFDE SAAMKOM

Ons is bly om jou by Monumentpark-Wes NG Gemeente te verwelkom. As 'n gemeente wat reeds dekades lank in die gemeenskap gegrond is, streef ons daarna om 'n tuiste te wees waar mense God kan ontmoet en mekaar in liefde kan ondersteun. Ons glo dat elke persoon 'n besondere plek in God se hart het, en ons wil graag deel wees van jou geestelike reis.

Eredienste

Sondag 09h00 - 10h00

Monumentpark Uitbreiding 2 Kalkoenstraat 38

Elke Sondag se erediens is 'n spesiale byeenkoms!

Die doel is om God te verheerlik, mekaar te versorg en die wereld te vertel.

Nuwe intrekkers en besoekers is altyd welkom!

Luister na vorige preke

Klank Span

Indien u belangstel om deel te wees van die klankspan, kontak asseblief ons kantoor.

Die klankspan is verantwoordelik vir die klank en tegnologie tydens die erediens. Indien u 'n passie het vir klank en tegnologie, sal ons u graag wil verwelkom in die span.

Samekoms na Erediens

Lekker koffie/tee en verversings na die erediens.

Kom geniet 'n tyd van gemeenskap en kuier na die erediens. Dit is 'n wonderlike geleentheid om mekaar beter te leer ken en te bou aan ons gemeenskap.

Diens Aksies

Erediens

Die Diensaksie erediens fokus daarop om elke Sondag se samekoms ordelik en betekenisvol te laat verloop. Dit sluit die koördinering van die erediens self, die hantering van klank en media, die ondersteuning deur sangbediening, die voorbereiding en aanbieding van afkondigings, asook die wyks diensbeurte en liturgiese voorbereiding in. Deur hierdie verskillende funksies saam te bring, word ’n ruimte geskep waar die gemeente in eenheid kan aanbid en geestelik versterk word.
HOU DIE SPASIE DOP!

Omgee

Die Diensaksie Omgee dra by tot die versorging en versterking van die gemeente deur pastoraat en herderlike sorg, die verwelkoming en begeleiding van nuwe intrekkers, die bevordering van samesyn en gemeenskapsprojekte, asook die ondersteuning van die predikant in sy bediening. Hierdie werksaamhede skep ’n ruimte waar lidmate mekaar kan dra, saam kan groei en die liefde van Christus prakties beleef.

Geloofsvorming

Die Diensaksie Geloofsvorming het ten doel om die gemeente te begelei in geestelike groei en verdieping van geloof. Dit sluit die jeugbediening, mannebediening en vrouebediening in, asook die bevordering van kleingroepe, Bybelstudie en die Bybelskool. Deur hierdie verskeidenheid bedieninge en geleenthede word lidmate toegerus om hul geloof prakties uit te leef, mekaar te ondersteun en saam as ’n geloofsgemeenskap te groei in die kennis en liefde van Christus.

Dagbestuur

Die Diensaksie Dagbestuur dra die verantwoordelikheid vir die oorhoofse beplanning en bestuur van die gemeentes. Dit sluit die bestuur van algemene gemeente administrasie, personeel diensverhouding, eiendomme, die koördinering met die drie gemeente (Monumentpark-Wes, Monumentpark en Waterkloofrif) Vennootskap asook die beplanning en ondersteuning van gemeentegroei in. Deur hierdie funksies word ’n stewige organisatoriese grondslag geskep wat die bediening en gemeenskapslewe van Monumentparkwes dra en versterk.

Uitreik

Die Diensaksie Uitreik fokus op die uitleef van die evangelie deur getuienis, barmhartigheid en gemeenskapsbetrokkenheid. Dit sluit die deel van geloof en hoop met ander in, die versorging van mense in nood, en die aktiewe deelname aan projekte wat die breër gemeenskap dien. Op hierdie manier word die liefde van Christus sigbaar gemaak en die gemeente se roeping om lig en sout te wees in die wêreld prakties gestalte gegee.

Finansies

Die Diensaksie Finansies dra die verantwoordelikheid vir die opstel en bestuur van die gemeente se begroting, die toesig oor gesonde finansiële bestuur en die bevordering van volhoubaarheid. Deur noukeurige beplanning en verantwoordelike hantering van fondse word die gemeente se bediening en projekte ondersteun, sodat Monumentparkwes met stabiliteit en vertroue sy roeping kan uitleef.

Gemeente Aktiwiteite

WesWeg Jongmense

Alle studente en jong werkendes is welkom. Elke 2de Maandagaand om 18h00. Die plek van samekoms sal vooraf aangekondig word. Lekker koffie en vriendskap word gedeel met mense wat saam leer oor God. Kontak Ds. Willie by 082 442 7477 vir enige verdere inligting.

Mannebediening

Die manne kom Vrydagoggende om 05h30 tot 06h15 by die lapa bymekaar om saam te gesels oor die Woord van God. Koffie en beskuit en 'n kaggel in die winter maak dit 'n gesellige byeenkoms. Alle manne is welkom. Word deel van die whatsapp groep vir die reëlings!

Vrouebelang

Die bydrae wat die vrouens lewer tot die gemeente is van onskatbare waarde. Ons vrouebelanggroep kom gereeld bymekaar vir lekker byeenkomste, asook Spokie vriendinne. Hulle reël baie fondsinsamelings vir die kerk, soos bv. pannekoekdae. Hulle is verantwoordelik vir die mooi blomme in die kerk en vele meer. Voel vry om deel te word van hierdie groep dames.

Kinderkerk en WesWeg Jeug

Kinderkerk is vir kinders van 5 jaar oud tot graad 6 tydens erediens wat plaasvind vanaf 09h00 - 10h00. Kinders word na die kindermoment in die kerk uitgestuur na hulle klassies saam met hul sondagskool juffrouens. WesWeg Jeug vind plaas op sondagmiddae 17:00 - 18:30. Alle kinders van graad 7 tot matriek is welkom om by te woon. Lekker worship, groot boodskap, kleingroep gesprekke, en die drink van koffie en tee word geniet.

Bybelstudie

Bybelstudie vind plaas Dinsdagoggende om 10:00 in die Lapa. Enige persoon wat wil inskakel, is welkom. Dit is nie bepeerk tot ŉ ouderdomsgroep nie. Daar word verskillende gedeeltes uit die Bybel bespreek.

Sosiaal

Die sosiale komitee reël gereeld byeenkomste en geleenthede vir die gemeente. Dit sluit alles in van dorpsfeeste, langtafeletes, potjiekos kompetisies, gemeentebraaie ens. Kontak gerus die kerkkantoor vir enige navrae of voorstelle.